यो सम्मेलन मलेसियाको बायोउ लागुन पार्क रिसोर्ट, मलेका सहरमा१५ देखि १९ सेप्टेम्बर २०२४ मा सम्पन्न भएको थियो ।

विभिन्न मुलुकका युवा वैज्ञानिकहरू बीचकोे यस प्रतिस्पर्धामा दीपिकाले उत्कृष्ट नतिजा निकालेर सेन्ट लरेन्स कलेजको शैक्षिक स्तरलाई पुनः एक पटक प्रमाणित गरेकी छन् ।

सेन्ट लरेन्स कलेजले यस सफलतामा गर्व गर्दै छात्रा दीपिका पाललाई हार्दिक बधाई दिएको छ । कलेजले भविष्यमा पनि यस्ता अवसरहरूमा निरन्तर अन्य विद्यार्थीहरुलाई सहभागिता जनाउने प्रतिबद्धता व्यक्त गरेको छ ।
कलेजले हासिल गरेको यो सफलताले अरू बिद्यार्थीहरुलाई पनि सफलता हासिल गर्न, मिहेनत गरेर अघि बढ्न उत्प्रेरणा जगाएको कलेजका अध्यक्ष केशवप्रसाद दंगालले बताउनुभएको छ । सेन्ट लरेन्स कलेज विज्ञान र प्रविधिमा नवीनतम अनुसन्धान र प्रयोगात्मक सिकाइमा विश्वास राख्दै विद्यार्थीहरूलाई अग्रणी बनाउन कटिबद्ध रहेको कलेजका प्रिन्सिपल पुरुषोत्तम महर्जनले बताउनुभएको छ ।

कलेजले आगामी दिनमा पनि यस्ता अन्तर्राष्ट्रिय सम्मेलनहरूमा निरन्तर सहभागिता जनाउँदै विश्व मञ्चमा नेपालको नाम उँचो राख्ने प्रतिबद्धता व्यक्त गरेको छ ।