काठमाडौं, ४ चैत – देशमा हाल पश्चिमी न्यूनचापीय प्रणाली र स्थानीय वायुको आंशिक प्रभाव परेको छ। यसका कारण पहाडी क्षेत्रमा आंशिकदेखि सामान्य बदली रहँदा बाँकी भू-भागमा आंशिक बदलीका साथै मुख्यत: मौसम सफा रहेको मौसम विज्ञान विभागले जनाएको छ।

आज सुदूरपश्चिम, कर्णाली र गण्डकी प्रदेशका एक-दुई स्थानमा मेघगर्जन तथा चट्याङसहित हल्का वर्षा भइरहेको छ। साथै, सुदूरपश्चिम र कर्णालीका उच्च पहाडी तथा हिमाली क्षेत्रमा केही स्थानमा हल्का हिमपातको सम्भावना रहेको छ।

त्यसैगरी, कोशी र मधेश प्रदेशका केही स्थानहरूमा हावाहुरी चल्न सक्ने भएकाले दैनिक जनजीवन, स्वास्थ्य, सडक तथा हवाई यातायातमा असर पर्न सक्ने सम्भावना रहेको छ। मौसम पूर्वानुमान महाशाखाले सतर्कता अपनाउन आग्रह गरेको छ।